Kian the Menace

I just wanna share something that happen just last week, it’s Thursday to be exact… (Tatagalugin ko nalang, actually nagawa ko na itong post na to in English, kaso nung binasa ko ulit, parang hindi papasa kay pareng Carabao ang English ko. Kaya eto, Tagalog nalang…)

Umaga, 5:00 na nang umalis ako sa bahay, dinaanan ko ang aking daily walking path. Sumapit ako sa water tank ng subdivision namin at may nakita ako na nakaharang sa gitna ng kalsada, isang kulay orange na pusa. Nagtataka ako kung bakit nakahiga lang siya dun sa gitna at hindi siya natakot ng ako ay lalapit na (ang usual instinct ng isang pusa ayon sa aking obserbasyon, pag nakakakita ng strangers eh biglang tatakbo palayo)… Nang ako ay nakalapit na sa kanya, meow siya ng meow, nakita ko ang kanyang paa sa likuran, siya pala ay pilay, malamang nasagasaan, o baka may atraso siya sa kapwa niya pusa at pinilayan siya.

Naisip ko, "masasagasaan to pag di siya umalis dito, 100%…" Kaya ako naman ay nagmagandang loob sa hayup. kinarga ko siya at dinala sa bakanteng bahay sa tabi ng kalsada. Naks, red cape nalang super hero na ang dating!

Iniwan ko ang pusa, at ako ay tumuloy na sa pagpasok sa work. At ginawa ang every day routine ko… (sakay ng tricycle, sakay ng bus, pasok sa office, work, work, internet, work, lunchbreak, sleep, gising, work, work, internet, internet, labas ng opis, sakay ng bus, sakay ng tricycle, at lakad ulit pauwi sa house).

Sinimulan ko na ang aking paglalakad pauwi. Bumili ako ng limang Stick-O sa tindahan. Naalala ko ang pusa na nakita ko nung umaga, at naisip ko na bigyan siya ng kalahating Stick-O. Nang sumapit ako sa bahay na pinag iwanan ko sa kanya, wala na ang pusa, kaya ako ay nagpasyang umuwi na lamang… Ngunit nakaka tatlong hakbang palang ako palayo ng bakanteng bahay, ay may nakita ako… Isang pusang kulay orange, isang pusang nasa gitna ng kalsada. At ang nakakalungkot, ang pusa ay wala nang buhay… Durog ang katawan niya. 60% probability, nasagasaan siya. 40% probability, pwede din na binalikan siya ng pusang may galit sa kanya at tinuluyan na… Sumalangit ng mga pusa nawa ang kaluluwa ng pusa…

I therefore conclude that:

1. Nung makita ko ang pusa nung umaga, ang buhay niyang ginagamit nun ay pang siyam na.

2. Nung makita ko ang pusa nung hapon, nagamit na niya ang kanyang pang siyam na buhay. Kaya siya ay natuluyan na..

Moral Lesson:

"Aanhin pa ang Stick-O, kung patay na ang pusa…"

This entry was posted on Sunday, June 24th, 2007 at 9:48 pm and is filed under Travel. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.